Izar berdea

  • Jatorrizko izenburua: Izar berdea
  • Irudigilea: Jesus Lucas
  • Itzulpena:
  • ISBN:
  • Argitaletxea: Elkar
  • Bilduma: Txalupa 17
  • Lehen Edizioa, Argitalpen urtea: 1985
  • Inprimatze data: 1985
  • Argitalpen lekua: Donostia
  • Orrialde kopurua: 30 or. : ir. ; 18
  • Edizio zenbakia: 1ª ed.
  • Koadernatzea: rústica
  • Jatorrizko hizkuntza: Euskera
  • Argitalpen hizkuntza: Euskera
  • Sariak:
  • Kategoria: Literatura infantil y juvenil

2 argitalpen 1988 arte

Behin gizon arrotz bat ailegatu zen herriska batetara. Urrutitik zetorren eta nekaturik aurkitzen zelako herriko enparantzako iturri ondoan deskantsatzen geratu zen.

Ur freskoaz eskuak eta aurpegia garbitu ondoren, zumar baten azpian eseri eta ogia eta gazta atera zituen bere morraletik. Patxada handiz jaten ari zen bitartean, burua mugitzen zuen alde batetik bestera, ehize txakur baten antzo…

Herriska hura bezalakoak asko eta asko ezagutu zituen bere bizitza ibilkorrean, eta ez zuen ulertzen herrian sartzean sentitu zuen susmo txarra… Ez zekien zergatik, baina zerbait arraroa somatzen zuen herriska hartako aire paketsuan:

—Um, hemen zerbait berezia gertatzen duk! Um, herriska honek zerbait badik! —zioen bere kolkorako.

Une hartan, enparantza ondoko etxe batetatik haur bat irten zen pauso makalez. Aldameneko atea jo zuen eta laster beste haur bat etorri zitzaion.

Hitzen bat edo beste elkarri egin ondoren, mututurik, lurrean eseri ziren. Oso betilun eta triste zituzten aurpegiak; nekearen arrastoak nabaritzen ziren haien begietan… Batek lurretik harri txintxorrak hartu eta indarrik gabe jaurtitzen zituen, bestea bere atzazalak aztertzen aritu zen inoiz ikusi izan ez balitu bezala…